Galatians 4

1Mu le gblɔ be ne ecrɔɖutɔ- nyi vifɛ ‘a,mu tovo ne kluvi’o togbɔ be yeŋutɔ ye nyi enunuamesi wo keŋ, 2vɔa,ele gɔme ne enujikpɔtɔawo kudo enunɔamesi ji kpɔtɔwo kaka ne gakeme ye etɔa gblɔ’a.

3Miawo ca,ke ye mi nyi kluvi na hihea kpata b’ehuenuwo. 4Keye gapopo nyuɛ’a va ɖoa,Mawu ɖo evia ɖoɖa ,ameke nyɔnu ji,wo ji ɖo ese gɔme’a, 5ne bea ɖega amekewo le ese gɔme’a ne woa xɔ wo sigbe evi nene.

6Ke be nyi be evi nusuvio ye mi nyia, Mawu ɖo evia be gbɔgbɔ ɖo miabe ejiwo me,eke yɔna” Abba,Ata.” 7yeŋutia,mi mu gba nyi kluvi’o vɔa evinusu, eye ne mi nyi evinusua,keŋua .mitrɔ zu ecrɔdutɔ to Mawu ji.

8Vɔa jeŋkɔa,ne mi mu nya Mawu oa mi la nyi enukewo le woabe jɔjɔmea,wo mu nyi Mawu woa be kluvi’o. 9Fifia ke ye mi nya Mawu halo ke ye Mawu nya mia,nukɛ ŋti mi gba trɔ yi jɔjɔme be nu madonusɛ kudo gbalowo gbɔ’o?De mi jila gba nyi enuŋua wo be kluvi ke’a?

10Mi je nayɛ le na ŋku ɖona ŋkeke tɔxuawo,wetri yeye‘o,huenu’o, kudo epewo ŋti. 11Mu le vɔɖo mianu; Mu le vɔ be enukewo mu doɖo mia me nyi enugbalo.

12Mu le ɖekuku na mi,nɔvinusuwo,mi trɔ sigbe aleke mu lea nene.Mi mu wɔ enubaɖa ɖe ɖo ŋtinye’o, 13vɔa mi nyɛ be ŋutila be ɖolele ŋti mu do aŋɛnyuɛa na mi cucugbɔa ɖo. 14ŋtila nyea nyi dodokpɔ na mi,vɔa mi mu cri mù alo nyamù’o, bohu mi hɔmu sigbe Mawu be dola nene,sigbe Kristo Yesu.

15Fikɛ miabe jijɔɛa le fifi’o? Mu le kaɖo eji na mi be,wɔwɔa,mi la ɖe miaŋtɔ miabe ŋkuviwo tole wabe akpa me eye mi la sɔwo nam. 16Nebea,trɔzu miabe fuutɔ ɖo mule to nyawo na mia?

17Wo le jimi,vɔa mu nyi ne miabe nyuɛ ŋti’o.Wo le ji la ma mi jo le ŋtinye ɖo mi le je yoyeme. 18Enyɔ be wua huanu ɖo susu nye’o ŋti,vɔa mu nyi wɛlɛbɛ kewo mu le miagbɔ kpo’o.

19Evinye’o,mugba le se vijiji be vevesese ɖo miata,kaka ne gakeme Yesu be nɔnɔme va ɖo miame! 20E jrɔ mu be ma nɔ funua kudo mi fifi eye ma trɔ egbe nye, ɖo mu le saavɔ ɖo miaŋti.

21Mi gblɔ nam,mi amekewo ji la nɔ esea gɔmea,mi mu se enya keye esea gblɔa? 22Sigbe alekɛ wo ŋluɛ ɖo Abraham ŋti be e ɖo nusuvi evea,ɖeka so kluvi nyɔnu gbɔ eye ɖeka so ablɔɖe nyɔnu gbɔ. 23Deka ke so kluvia gbɔa wu ji to ŋutila me kpoe ,vɔa ɖeka ke so ablɔɖe nyɔnua gbɔa ,wo ji to ŋgbedodome.

24Enukeawoa wo la teŋ ɖewo gɔme tɔhɛɛ.Ɖo nyɔnuawo le sigbe zoɖuɖu eve nene,ɖeka so Sinai to-ji ji kluvi nyinyi ke ye nyi Hagar. 25Fifia Hagar nyi Sinai to le Arabia eye gba sɔ kudo egbe be Yerusalem,ɖo ele kluvi nyinyi me kudo eviawo. Vɔa

26Yerusalem kele jia hɔ ablɔɖe ,ye nyi mia nɔ. 27Sigbe aleke wo ŋluɛ’a,”Kpɔ jijɔɛ, ewo nyɔnu ekonɔ, ewo ke mu ji vio; do jijɔɛ be apaa,ewo ke ye mu se evijiji be vevesese kpɔa; ɖo nyɔnu ekonɔ be vio sugbɔ wu nyɔnu keye ɖo srɔ be viwo.”

28Fifia,nɔvi nusuwo,sigbe Isak nenea,mi fiafia viwo. 29Sigbe aleke ele nenea be,deka ke ye wo ji sɔ zɔdo ŋutila jia, ci deka ke ye wo ji sɔ zɔɖo gbɔgbɔ jia yome,nene wɔa be le fifi.

30Aleke ŋɔŋlua gblɔ? “Nya kluvi nyɔnu’a kudo yebe nusuvia. Do kluvi nyɔnu b’evia mu la du ecrɔnu kudo abloɖe nyɔnu b‘evi’o.” Yeŋutia, nɔvi nusuwo,mi mu nyi kluvi nyɔnu b’eviwo,vɔa bohua ablɔɖevi nyɔnu b’eviwo.

31